للأسف يا جماعه
للأسف فعلا انا كنت فى الاول بقول نعملكن اكتشفت انى قولت نعم من غير ما افهم بجد ابعاد الموضوع كويس
ولما فكرت عرفت انى لازم اقول لأ
لأ وبأعلى صوت هقول لأ
وهقولكو لازم اقول لأ ليه
الاول هرد على كل نقطه همس كتبتها وبعدين رودى قبل ما احط رايي
همس كتبت
- اقتباس :
- لماذا نريد ان نقول نعم للدستور
شغل اخوان مش بعيب فيهمهمه جماعه محترمه وليها اهدافها بس حاولت تطلع على اكتاف الثوره وقالو فى الاخر همه اصحاب الفضل فيها
- اقتباس :
لكي لا تمس المادة الثانية من الدستور وهي ان تكون مصر دولة اسلامية وان الدستور يكون طبقا للشريعة الاسلامية
ايه اللى هيمنعها انها تتمس يا حاجه .؟؟؟
قصدك مش هتتمس فى التعديلات
انتى ناسيه ان الدستور الجديد هيتعمل بعد انتخابات الرياسه ولا ايه
وساعتها بقى حلنى لو عرفتى تقولى لا تانى
دلوقتى لازم نقول لأ ونعمل دستور جديد من دلوقتى علشان يبقى لينا الحق نقول اه او لا
لكن لو استنينا لبعد كده
كده كده الدستور هيتعدل فا لو فيه نيه يغيرو الماده دى هيغيروها
بس الفرق انهم لو حاولو يغيروها ناو هيلاقو الشعب المصرى كله الا القليل منهم ضدهم
لكن لو اتعدلت بعدين صدقينى ناس كتير هتناااااااااااااام
- اقتباس :
الغت المادة 179 وهي قانون مكافحة الارهاب وهو كان راس الفساد في مصر
هههههههههههههه
ضحكتينى والله
الماده 179 دى هى قانون الطوارئ وكده كده هيتشال قولنا اه قولنا لأ كده كده هيتشال لان مفيش جهة تقدر تمشى كلمتها ع الشعب بعد كده وبعدين اللى كان بيطبق الماده دى هى امن الدوله وامن الدوله اتشال
- اقتباس :
ان السلطة ستنتقل من الجيش للنواب (مجلسي الشعب والشورى) بعد انتخبات نزيهه لهم
نزيهه اه بس على النسق القديم
بذمتك يا همس انتى لو اتعملت انتخابات جديده هتلاقى مين اللى مترشح
؟؟؟
همه همه
لأن للاسف مفيش غير الاخوان والوطنى هم اللى جاهزيين دلوقتى واحنا زى الهطل هنروح ننتخبهم تانى يبقى عادت ريمه لعادتها القديمه والثوره فشلت
لاننا ما نعرفش غيرهم
بس لما نقول لا
الفتره الانتقاليه هتتمد
يكون شباب الثوره كونو حزب او حتى نظمو نفسهم
يقدرو يرشحو ناس
نقدر احنا ننتخبهم لاننا هنلاقى وشوش غير بتاعت كل سنة اللى واكلين البلد والعه
لكن دلوقتى هيهات
ولا حياة لمن تنادى
دلوقتى الشباب لسه ما نظموش نفسهم ومحتاجين وقت ومد الفتره الانتقاليه
- اقتباس :
- جددت التعديلات مدة حكم رئيس الجمهورية مدتين فقط وليس كما كنا سابقا ..مدة غير محددة
ما ده هيكون فى الدستور الجديد اللى هيتغير لكن بقى اسألى نفسك
فين الصلاحيات بتاعت رئيس الجمهوريه اللى اتقلصت ؟؟؟
قوليلى الشعب استفاد ايه
؟؟
حراااااااااااام نستخف بعقول الناس كده يا جمااااااااااااااااعه
والله حراااااااااام
- اقتباس :
- ضمان الاشراف القضائي الكامل ع الانتخابات والزام رئيس الدولة ع تعين نائب له
يا فرحتى لما يتعين نائب لهواحنا اصلاما حددناش اختصاصاتهم هم الاتنين وبعدين الاشراف القضائى ده هيعمل ايه هيمنع التزوير جوه اللجان بس مش هيمنع المرشحيين بتوع كل دوره ينزلو كل بلد وياخدو اهل البلد ويقعدوا يهتفوا ليه ويلفوا معاه جو البلد وف الاخر الناس هتروح تنتخب بتوع كل مره لان مفيش غيرهم
- اقتباس :
حالة الطوارئ اسبوع لا تمد لسبع شهور الا بإستفتاء من الشعب
حالة الطوارئ دى يا همس ما بتتعملش الا وقت الضروره اوى وكده كده ما بتمتدش اكتر من شهر ايه احنا هبل ولا ايه
سبع شهور اه
وبعدين كل ده هيكون فى الدستور الجديد اللى هيتعمل بعد ما نقول لأ مباشرة
- اقتباس :
السماح في الترشح للرئاسة بشروط مقبوله وليست تعجيزية كالسابق
صحيح الكلام ده بس للأسف ما بتحددش اختصاصات رئيس الجمهورية ولا طريقة التعامل مع الشعب
- اقتباس :
- والحكومة الجديدة وعدت بانه في خلال ستة اشهر سيتم وضع دستور جديد
الدستور الجديد ده مش هيتحط الا بعد ما الريس بسلامته يمسك الحكم وصدقينى يا همس هيتحط فيها مواد لا يرضى عنها الشعب بس ساعتها كل الناس هتقوووول يااااااااااه كنا فين وبقينا فين وكل الناس هتقول نعم للدستور مهما كان فيه بس هو هيبقى الاغلبيه فى مصلحتنا صحيح بس احنا عاوزين كله فى مصلحتنا
- اقتباس :
- لان المدة المتبقية لاتسمح او سيصعب فيها وضع دستور جديد سليم
ايوه هنا مربط الفرس بقى
انا ما قولتش ان احنا هنحط دستور جديد فى الوقت ده
لكن الفتره الانتقاليه هتتمد لــــ سنة فى خلال السنه دى يتفتح حق تكوين الاحزاب يقدر الشباب يعمل احزاب يحدد برنامجه
ومين اللى هيترشحوا باسم الثوره لانتخابات البرلمان وفى الفتره دى يقدرو يصيغو دستور جديد تستحقه العروسه مصر زى ما قالت دموع
ويحجموا فيها اختصاصات الريس
وفى الفتره دى يختاروا اتنين مدنيين مشهودلهم بالكفاءه يمسكو البلدمع واحد عسكرى والجيش يرجع لمهمته الاساسيه
- اقتباس :
- وطبعا نقدر الراي الاخر .ولا نشكك في حرصة ع مصلحة البلد
اكييييييييييييد يا همس
- اقتباس :
- الراي الارجح لبلدنا هو ان نقول للتعديلات نعم لتحقيق بعض المصالح وتعطيل بعض المفاسد
للاسف اختلف معاكى فى الرأى يا همس
لان الاصلح لينا ولبلدنا نقول لا
تخيلى يا همس انك لو راكبه عربيا ووانتى ماشيه خبطى فى عربيه نقل
طبعا العربيه هتخرب خالص
وديتيها تتصلح
الميكانيكى قالك هتاخد وقت طويل انا هركبلك دريكسيون وكاوتشات تمشى بيها نفسك دلوقتى !!!
هترضى تركبيها ؟؟؟؟؟؟؟
- اقتباس :
والاهم ان تكون فعال ....وصوت امانة انت مسئول عنه
لااااااازم يا جماعه صوتك امانه وكلنا نقوووووول لا لا للتعديل
رودى كتبت
- اقتباس :
- انا قولت نعم علشان مصر في الاوقات دي بتنهار ولازم نقول نعم علشان مصر
ترجع احسن من الاول تاني لان لو قولنا لااااااااااااااااا لسه عما يعملوا دستور جديد ويغيروا تاني
فيها اكثر من ثلاثة شهور ولو اتاخرنا المده دي مصر هتنهاااااااااااااااااار بجد
مصر قبل كده قعدت 4 سنين من غير دستور
وبعدين هو احنا من امتى كان بيطبق عندنا الدستور يا رودى لازم نفوق بقى ومش عاوزين ترقيع عاوزين دستور جديد
- اقتباس :
وعلشان مصر تفضل تابعه للحكم الاسلامي والا يحكمها المسلمين
وعلشان كده لازم نقول نعم نعم للدستور الجديد
انا رديت ع النقطه دى عند همس ولا لا للتعديل
يا ريت يا جماعه اكون قدرت اقربلكو وجهة نظرى
والاختلاف فى الرأى لا يفسد للود قضيه
ويمكن انا ع الكيبورد مش قادر اعبر عن حجم المشاكل اللى هتعانيها مصر تانى لو قولنا نعم والايام هتثبت ليكو وانا الحمد لله اتكلمت لحد دلوقتى مع ناس كتير كانو هيقولو نعم وفهمتهم ع الوضع فعلا واقتنعو تماما ان لا هى الصح
وكفايه ان شباب الثوره مجتمعين على لا
+
ان يا همس دلوقتى الاخوان جاهزيين وقالو مش عاوزيين رئاسه لكن هم عاوزين برلمان لانكده كده البرلمان هو اللى هيحكم البلد بعدين
وانا ما ارضاش يحكمنى ناس قالو عن نفسهم انهم اصحاب الفضل فى الثوره
بالبااااااااااااااااااطل
والسلام عليكم ويا ريت آراء قبل بكره
الأربعاء 24 يونيو - 12:40 من طرف زائر
