احكامنا

بص ياعم كده ومن الاخر احنا مالناش طلبات شوف بس انت عاوز تشرب ايه واحنا تحت امرك وخليها حلوه كده وبلاش تقفيل بلا قوانين بلا بتاع ولو مش عاوز تسجل او تطلب اى حاجه مش هنلومك برده فا لو عاوز ترجع لاول حته انت شوفتها فى الكافيه اتكى فى الحته دى وشوف يا سيدى البقين دول وبعدين كسر فى الكافيه براحتك مهو كله على اللسته والحساب يجمع ومفيش تزويغ بالذات من عندنا بص يا سيدى وصحصح معايا وفوق كده ((هلله هلله ع الجد والجد هلله هلله عليه))

1- اصلا احنا معندناش شرووط ولا نيــله ..ماشيين بالبركة وبحب بعضينــا

2- تقدر تتقدر..تتنطط نزعل منك

3-خليك فرش علشان الوش ميتكرمش

4- حب ما تعمل علشان تعمل ما تحب ( متسألنيش معناها ايه لأني معرفش وبلاش احراج)  

5- الكافيه دا بيزوره مزز ..فبلاش معكسة وحيات ابوك لأن السكان اللي فوق قرفينــا وعندهم بنات حلوينين وحطين عينهم علينا

6- متزعقش بعد الساعة 1 بالليل في راجل في العمارة اللي قدامنا كبير وابنة في المباحث وحيات ابوك متخبليناش قلق

7- اعمل اللي أنت عايزة الا انك تبيع ممنوعات بالكافيه هروين - بنجو - كبتشينو( حشيش يعني ) وخد بالك البكس بيعدي من هنا كتير

8- دي مش قوانين يا مــان انا قلتلك معندناش قوانين وعيش يا مان وأديها تطنيش

9- أنت تعبت بوقي معــاك سجل يا عم وخلصنا وفكنا من الدوشة دي بلا قوانين بلا بتنجان