مع انى بكره الجوافه

تعرف ان الجوافة من اكتر الفاكهة اللى بتحتوى على فيتامين سى Vit.C ؟؟ حتى أكتر من البرتقال ؟؟ ايوووون اكتر من البرتقال

و طبعا فيتامين سى ده يعتبر الجندى المجهول فى مواجهة أعراض نزلات البرد common cold , و له تأثير مضاد للهستامين يعنى بيقلل اعراض الحساسية

فيتامين سى بيساهم بشكل كبير ف تصنيع الكولاجين اللى بيقلل النزيف ف... حالة الجروح و الحروق و كسور العظام

الجوافة لها دور كبير ف الوقاية من السرطان , بسبب ان لها تأثير مضاد للأكسدة بيمنع تلف المادة الوراثية للخلية

الجوافة لها دور كبير جدا ف تقوية المناعة , بتخليها دايما نشيطة و مصحصة لأى هجوم .

الجوافة كفاكهة بتساعد ف حالات الامساك , و ينصح بيها الستات الحوامل عشان مناعتها و مناعة الطفل تبقا كويسة

ورق الجوافة من احسن الحاجات اللى بتعالج الكحة

و ينصح ان الجوافة تتاكل كفاكهة مش متقشرة أحسن عشان كمية كبيرة من المواد الفعالة الموجودة ف الجوافة بتكون ف القشرة

و لو اتعملت عصير , يبقا يتشرب فريش عشان فيتامين سى بيتكسر بسرعه من اكسجين الهواء الجوى

من اكبر ميزات الجوافة ان سكرياتها مش كتير , و ده طبعا كويس لمرضى السكر انهم ياكلوها و ميخافوش ان جلوكوز الدم يرتفع لا قدر الله

متشكرين يا دكتوررة ع المعلومات الجميله

العفو على ايه