تعالوا نعمل حاجه فى حياتنا

السلام عليكم ورحمه الله وبركاته



أننا حقاً نحبك يا رسول الله ملأ قلوبنا، ولا نستطيع ان نتحمل أى إساءة في حقك يا حبيبي يا خير خلق الله،، ولكني أسفه يا رسول الله لأن حبنا لك لم ينعكس على كثير من سلوكياتنا،، أسفه يا رسول على كل يوم بحثوا عنك فلم يجدوك في حياتنا،، بحثوا عن كرمك فلم يجدوه في عطائنا،، بحثوا عن رحمتك فم يجدوها في عطفنا على العباد،، بحثوا عن صدقك فغاب عنهم في حديثنا،، بحثوا عن أمانتك فلم يجدوها في معاملتنا،، بحثوا عن سعة صدرك فلم يجدوها في حوارتنا،، بحثوا عن أتقانك فلم يجدوه في أعمالنا،، بحثوا عن آفعالك فوجدوا بعضنا يقول لا تفعلوها انها سنة،، حقاً أنا أسفه يا حبيب الله



من هنا وبعد الاهانه الى اتعرض ليها كل عربى مؤمن بوجود اله واحد ومصدق بكتبه ورسوله سواء مسلمين او مسيحين
قررت انى اعيد احياء ذكرى الرسول فى اقواله وافعاله وتصرفاته
من هنا ومن الكافيه قررت نصرة محمد رسول الله
هنعيد سنه الرسول بينا ....... كتير منا يقولك دى سنه مش فرض
يعنى تيجى تصلى الفروض وتقول مش مهم السنه مش هتحاسب عليها
صحيح انك لو معملتش بالسنه مش هتتحاسب عليها بس هيبقى شكلك ايه قدام نبيك اللى اتعذب فى حياته وشاف اهانه وذل محدش يستحملها عشان ينشر الاسلام ويوصلك كتاب ربنا وتعاليمه
فيها ايه لو كل واحد يدور جواه ايه السنه اللى مقصر فيها ويحاول استرجاعها
انصروا نبيكم ولو بحفظ حديث من احاديثه او دعاء من ادعيته

اخر كلامى .......اللهم اصلح حال امه نبيك الكريم واهدهم الى الى كل ما تحبه وترضاه