سامحنى يا حبيبى يا رسول الله

من غير مقدمات وكلام كتير
طبعا الكل سمع وشاف عن الاهانه اللى اتعرض لها الاسلام والرسول الكريم
وبصراحه انا مخنوقه جدا ومضايقه ولو متكلمتش ممكن يجرالى حاجه ففكرت انى اكتب اللى حساه لانى مش لاقيه حد يسمعنى
للاسف مش عارفه ازاى انا شفت الفيلم ده وازاى قدرت استمر فى مشاهدته
يارب سامحنى واغفر لى ذنبى وتقبل توبتى
اللى شاف الفيلم فخلاص اللى حصل حصل واللى مشفهوش انصحه ميشفهوش لانه هيندم جدا
لما فتحت الفيلم على الشاشه قلبى اتقبض بس ماهتمتش ومع استمرارى للمشاهده عينى بكت بطريقه تخوف ....... عمرى مابكيت كده فى حياتى لدرجه ان كان نفسى اصرخ
انا عارفه ان بكائى او حتى صراخى مش هيعمل حاجه مش هيرجع حق دينى وحق رسولى الكريم
طبعا الكل قرأ عن مين هم المسؤلين عن هذا العمل المشين
وسمعنا عن رأيهم المستفز لتفكيرهم فى عمل مثل هذا
جاى فى بالى دلوقتى انى لو شفت واحد منهم اقطعه مليون جزء وارميهم للكلاب.....حتى انى هظلم الكلاب لو اكلتهم لحم ناس مثلهم
بس انا عارفه ان فى الاول والاخر رينا سبحانه وتعالى قادر انه يحمى رسوله الكريم
فأنا عن نفسى مش فارق معايا كلامهم ولا اقوالهم ويعملوا اللى يعملوه ...حتى ان مجرد انتقادهم او التعليق على افعالهم ميستهلهوش

مثلهم مثل الكلاب التى تعوى فليفعلوا مايحلوا لهم
سوف تظل رايه الاسلام مرفوعه عنان السماء....رغم حقدهم الاعمى
ولن يجنوا سوى هزيمه وانكسار ومزله وحسره فى كل مره
هم مش فهمين ان اله الكون قادر انه يخسف بيهم الارض
ولكن دعهم وشأنهم فمجرد احتجاجنا عليهم نوع من الداعيه والترويج ليهم وهم اقل واحقر من هذا
طبعا المسؤلين هم بس بعد ربنا سبحانه وتعالى قادرين انهم يرجعوا لينا كرمتنا ويخدوا بحق رسولنا ودينا
وربنا يقويهم ويعنهم على اتخاذ القرار السليم
وانا بكتب دلوقتى..... مشاهد من الفيلم بتظهر فى خيالى وكأنه شغال قدامى بتخلينى اكره نفسى انى شاهدت حاجه زى دى
انا حاسه بتأنيب ضمير ووجع جامد اوى ومش عارفه ياترى انا ارتكبت ذنب لمشاهدتى الفيلم ده ولا لأ؟؟؟؟
مع العلم انى والله مكنتش بتفرج للمتعه او لغرض ما...كل الحكايه انى كنت عايزه اعرف ازاى اساءوا للرسول
بس متوقعتش اللى شوفته
دول لو شياطين ميعملوش كده
استغفرك ربى واتوب اليك فاقبل توبتى واغفر خطيأتى
اللى حابب يشاركنى يتفضل ويقولى رأيه
وعلى فكره انا كان فى نفسى اقول كلام كتير جدا بس كنت ساعتها هضطر انى اقول الفاظ خارجه مقبلش انى اقولها
بس من غيظى وقهرى وانى حاسه انى عاجره انى اعمل حاجه اخد بيها حق حبيبى ورسولى محمد...فكان ممكن انى اقول كلمه خارجه وبحمد ربنا ان لسانى دايما عامر بذكر ربنا
بعتذر لو كنت زودت همومكم بس ملقتش حاجه تخفف عنى غيرى انى اكتب وكلم نفسى فسمحونى