رغم كل اللى بنشوفه ... فيها حاجه حلوه

عارف احلي حاجه فى مصر

ايه هي ؟

لما تكون بتتخانق ف الشارع وتلاقي حد قال بعلوّ صوته " ما تصلوا عالنبي يا جماعه " فتلاقي المشكله اتحلت



لما تكون زعلاان او متدايق .. 100 % بتلاقي حد يضحكك ويخرجك من المود ده اخوك بقى صاحبك جارك الرجل بتاع عصير القصب اللى على اول الشارع



لما تكون أمك بتعملكم الاكل بقالها ساعتين وانت كل شوية تخش تسرق حته ويوم متقفشك تقولك " بالهنا والشفا "



لما تكون رايح امتحان صعب وحاسس انك مش مذاكر .. تتصل بأعز صاحب ليك تحكيله يقولك " ياعم ما انت كده كده هتسقط وش " وهو من جواه بيقولك ربنا يوفقك



لما تروح تتقدم لبنت وابوها وامها يطلعوا عينك والجوازة تبوظ ف تقول الحمد لله .. ف ربنا يرزقك احسن منها



لما تكون عايش برا مصر وهتموت وترجع .. ولما ترجع تقعد تشتم في الاوضاع الي فيها عشان نفسك تبقى احلى بلد أو لما حد مش مصري يتكلم عليها كلام وحش ف تقوم رااازعه علقة موت



لما تشوف في رمضان موائد رحمان وناس مكنتش لاقيه تاكل وتحس انك شاركت في ثواب اطعامهم


لما ماتنامش ليله العيد وتقعد انت واصحابك لحد موعد الصلاه حتى لو مصلتوش بس حسيتوا بالسعاده اللى فى عين كل طفل ماسك لعبه فى ايده ولابس لبسه الجديد

لما تلاقي واحد مسيحي صاحبك بيكلمك في العيد يقولك كل سنة وانت طيب والعكس


فرحتنا في كل وقت ومن غير سبب رغم كل الاحداث الي بنمر بيها في البلد


رغم كل اللى بنشوفه ... فيها حاجه حلوه

فيها حاجه حلوه لانها حلوه فعلا مش كلام اشعار ولا روايات دى حقيقه وكل مصرى عارف كده بس مشكلتنا اننا بنحبها اوى فعيزنها احسن بلد عشان كده بندور دايما على عيوبها
ومهما حاول غيرنا تشويه صورتها قدامنا مش هيقدر وهتفضلى يامصر مصر القلق ليهم كلهم
وربنا يحميكى ويصونك وياخد بدم شبابك الشهداء

مصر ام الدنيا واللى يفكر يمسها هيتاكل

ربنا يخليهالنا ويخلينا ليها ولادها

لا متقلقش محدش يقدر يقرب منها اكيد هيخافوا منك
منور

ههههههههههههههههههههههههه مصر ام الدنيا

اقتباس :

لا متقلقش محدش يقدر يقرب منها اكيد هيخافوا منك
منور

ههههههههههههههههههههههه مااااااااااااشى