:: نصيحه لكل شاب !!::

* السلام عليكم ورحمة الله وبركاته *

نصيحه لكل شاب مقدم على الجواز

(كفى الله الشر)

*::خد المجنونه بنت العاقله ومتاخدش العاقله بنت المجانين !!::*

وصيه كل ام تقولها لابنها

>> خد المجنونه بنت العاقله ومتاخدش العاقله بنت المجانين <<

بص يابن الناس

بتبص فين ركز هنا احنا فى رمضان

مدام فكرت فى الموضوع ده وخلاص عزمت امركــ،،

على انك تودى بنفسك وبالشويه الباقيين فى العمر وتتجوز

يبقى اقرأ القصه دى يمكن ربنا يهديك وتعدل عن الفكره السوده دى

وترجع تانى سلطان زمانك

يلا اقرا واتعظ وربنا يهديك

***************************

-ابراهيم ابراهيم قوم اصحى يا هيما

-نعم عايزة ايه يا أخرة صبرى

- قوم اصحى يا حبيبى

- ليه هى الساعه كام

- 4.30

- يعنى انا اتخمد الساعه 4

وتصحينى 4.30 ليه يا ظالمه

ما انا قايلك صحينى الساعه 8 على الماتش

- طب ما انا باصحيك من دلوقتى علشان تلحق الماتش يا حبيبتى

- يا رب عوض عليا عوض الصابرين

يا بنت الحلال الماتش هاشوفه فى الصاله مش فى الاستاد

- عارفه بس علشان تلحق تروح مشوارك

و تيجى بسرعه قبل الماتش

- مشوار ايه؟

- تروح لماما

- ليه؟

- تروح تجيبها و تيجى بسرعه قبل الماتش

- اجيبها منين و اوديها فين ...؟!!!

- ابراهيم بطل دلع يا حبيبى

و قوم بسرعه انا كويت لك هدوم خلاص

- و الله ما باتدلع انا بس عايز اعرف هاجيبها منين و اوديها لفين

- هاتجيبها من بيتها طبعا علشان هاتيجى تقعد عندنا شوية

- تقعد ليه بقى

- انت نسيت انى حامل يا حبيبى

- لأ ما نسيتش بس هو انتى تعبانه و لا ايه

- لأ الحمد لله انا زى الفل

- امال هانتعب طنط ليه

- يا هيما هاتيجى تقعد معانا لحد الولاده

- ولادة مين ده انتى فى السادس يا حنان

- اه ما انا عارفه بس انت شوفت مها بنت عمتى ولدت فى السابع

-طب و انتى مالك

-يا سلام يا اخويا افرض ولدت زيها فى السابع يبقى ايه العمل بقى

-طب هافترض انك ممكن تولدى فى السابع

رغم ان الدكتور قال ان الحمل طبيعى

و انك زى الفل انتى و البيبى ..

طنط تيجى تقعد معانا ليه

- علشان لما يجيى لى الطلق تبقى جنبى

و نجرى بسرعه على الدكتور

- طب و هو الطلق ده بيجى فجأه مش ليه علامات

- يا ابراهيم ما انت شوفت مها

كانت هاتموت هى و النونو بتاعها

علشان ماحدش لحقها بسرعه

- ما اختلفناش بس ده

لأن مها عايشه لوحدها فى محافظة تانية

و جوزها مسافر لكن احنا بينا و بين بيت مامتك

نص ساعه زحف يعنى برنه ممكن تجيلك

-ابراهيم ما تخنقنيش انا حامل

و انت عمال تعصبنى على فكرة

و انا ماسكه اعصابى عنك بالعافيه

-طب اهدى يا حبيبتى

بس استفسار اخير

هو مش كان اتفاقنا انك هاتروحى تقعدى عند مامتك

و اننا مش هانشحططها

- ماما قالت مش هاينفع طبعا

-ليه بس ؟

- انت عارف ان خالد اخويا فى ثانويه عامه

و بصراحه ابنك ما بيبطلش شقاوة

و مش هايخلى خاله يعرف يذاكر

- هو خالد يعنى فالح قوى ده اللى فى سنه مخلص جيش

- اخص عليك يا ابراهيم

انت بتتريق على خالد طب ايه رأيك بقى

احنا املنا فيه كبير قوى السنه دى

- بأمارة ايه يا حنان دى تالت مرة ثانويه عامه

- ما هو علشان كده دى تالت مرة بيذاكر نفس المنهج

يعنى بقى خبرة خلاص

- ماشى يا حبيبتى ربنا معاه بس باباكى

هايرضى طنط تسيبه و تسيب خالد 4 شهور بحالهم

- ما تقلقش بابا موافق و بيقول كله يهون علشان خاطرى

-ماشى هاروح اجيبها و امرى لله

"الله يرحمك يا امه طول عمرك تقولى لى

>> خد المجنونه بنت العاقلة و ما تاخدش العاقلة بنت<<

المجنونه ادينى اخدتها مجنونة بنت مجانين

::وصل ابراهيم بيت حماته::

- ازيك يا عمى

- اهلا يا هيما ازيك يا حبيبى و ازى حنان و احمد

- كلهم كويسين يا عمى امال طنط فين ؟

- بتحضر شنطتها و جايه على طول

- طب و خالد

- فى اوضته بيذاكر

- طب هادخل اسلم عليه على ما تستعجل لى طنط

::و دخل سلم على خالد اللى كان قاعد كالعاده على الفيس بوك و منفض للدنيا كلها

و طلع لقى حماته محضرة شنطه ممكن تهاجر بيها ..::

- هاتنورينا يا طنط

- ده منور بأهله يا حبيبى

- معلش بقى يا عمو بس انت عارف دلع حنان

انا لو عليا مش عايز اتعب طنط و الله

و عايزها تفضل معاك انت و خالد هنا

- لا يا حبيبى ده كله يهون علشان حنون

ابقى سلم لى عليها كتير و بوس لى احمد

- حاضر يا عمى

::وبيبص وراه لقى حماه بيرقص من فرحته::

"اه يا امه على حظى"

::بعد وصول حماته باسبوع::

-هيما

-نعم يا حنان

- فيه موضوع عايزة اقولك عليه

- خير يا حبيبتى

- ماما بتعيط بره

-ليه كفى الله الشر حد زعلها

-اه ابنك

-احمد زعلها فى ايه

- بيقولها هانسمى النونه حبيبة راحت معيطه

- هى مش عاجبها اسم حبيبة يعنى

- ايوه خدت على خاطرها علشان

مش هانسمى البنت على اسمها

- نعم انتى عايزانى اسمى بنتى سكينه

- و مالها سكينه يعنى

- حنان بطلى جنان احسن لك

سكينة ايه اللى هانسميه للبنت هى كانت عملت لك ايه

- يا حبيبى مش لازم ننده لها سكينه نبقى نقولها اوكه زى ماما

- ما نقولها سوكه احسن!!

- اشمعنى انت سميت الولد على اسم ابوك

- سميته على اسم ابويا علشان ابويا ميت

لو امك ماتت اوعدك ابقى اسمى البنت على اسمها

- بعد الشر عليها طبعا

- حنان اغزى الشيطان و قولى لامك تعقل

و تبطل عياط علشان العياط بيجيب الفقر

******************

وانا من موقعى هذا وبعد القصه دى

احب اقول لكل شاب

اعقل وسيبك من لعب العيال ده

وركز فى شغلك وسيبك من الجواز والنسوان

مش وراهم غير وجع الدماغ

واعمل لاخرتـك

وربنا يهديك

-

-

*

ههههههههههههههههههههههههه انا بموت من الضحك والله ههههههههههههههههههههه قصه تضحك جدا لاى حد مهيس زى

منورة يا نودو ...بس انتى مهيسة ليه

انا كدا علطول

وااااااااااااضح ياختى

ههههههههههههههههههههه

ههههههههههههههههههههههههههههههههههههههه
جامد جدااااااااااااااااااااااااا

انتى اجمد ...:d

*:: نصيحه لكل شاب !!::*

:: نصيحه لكل شاب !!::