ازاى تكون روش فى كلامك (تعالى انا هقولك)

الروشنة:

1-الدبش اللي في شلــّـــك:

دي معناها لو انت بتكلم واحد صاحبك وفي واحد تالت معاكوا ومستغلسينة
وعايزين تتكلموا علية تقولوا مثلا(الدبش اللي في شلك) غلس مثلا...

2-انزل من ع المسرح:

معناها ان لو في واحد بيتكلم كتير وعايزين تسكتوة تقوم قايل(انزل من ع المسرح)....

3-لابد في القش:

لو واحد بقالة كتير مش باين ما بتشوفوش تقول لة مثلا(بقالك كام يوم لابد في القش)

4-استمورنينج:

دي معناها(اصطبح) او (صباح الخير)

5-الابلتين لدع في دهاليز الحياة:

دي تتقال لما تكون الحياة مديالك ضهرها وممعكش فلوس وصاحي من النوم بضرب الجزم

6-اشطاط:

ودي معروفة وهى جمع (اشطة) وبمعني (كدة تمام اوي)

7-انزل من علي ودانى:

دي تتقال لواحد رغـّاي عمال يتكلم علي طول وعلي عرض

8-كحروت فحت:

دي معناها ان انت واد مفيش منك مقطع السمكة وديلها وواد فاهم في كل حاجة يعنى(واد من الآخر)

9-فركوك:

دي معناها انة واد كلمنجي ومالوش في البطيخ وتافة

10-ملــّــــة:

واد ملة يعنى رفيع وعلي طول تحس انة ميت او نايم 24 ساعة وعلي طول تعبان وكسلان

11-منتن:

دي ليها معنين:

الاول:واحد معفن مايعرفش للحمام طريق وريحتة مجاري

التانى:واحد بيقعد علي النت كتيرويتقالة (منتن)

12-ابو لمعة:

يعنى واد فشــّــارعلي طول بيقول كلام ماحصلش او بيحكى حكايات ماتتصدقش

13-بعبور:

اللي هو ديما بيعبر بكلامة او كتابتة (بيعرف يعبر) يعنى

14-كلح:

يعني (بجح) بيقول اي حاجة ومابيهموش

15-قلب الكلام(طريقة فظيعة)

الطريقة دي لذيذة جدا جدا جدا

وفايدتها: بردة لو في واحد تالت معاك انت وصاحبك وعايز تقول لصاحبك حاجة من غير ما التالت يعرف

مثال:عايز تقول مثلا (تيجي بكرة نروح البحر)

تقول اية (جيتى كبرة نحور الحبر)

والله لو فضلت سنة تقول فيها ما هايفهم التانى

يعنى باختصار تحط الحرف التانى مكان الاولانى

نقول سلام؟

لساااااااااام

عايز اشوف ردود

اعيز افوش درود

واللي عندة حاجة جديدة يقوللي ومنكم نستفيد

ابقوا قولولي رايكم في الردود

ايه المعلومات الجاااااااااااامده دي يا عم رعد

منك نستفيد ونفيد الاخرين برده

تسسسسسسسسسسسسلم يا كبير روووووووووعه

كشتمره لعى رمورك العروة هد

وهي الكلمه دي اتغيرت هي كمان مش تقولي يا رعد

ايه الا اتغير تاااااااااااااااااااااااني

م الاخر الروشنه هى الكلام اللى مش مفهوم اللى تحاولى ترتبيه تانى

ايه الكلام ده

هو الكلام ده بلغه ايييييييه

بس موضوع جمييييييييييل

انتى اللى جمييييييل يا مور تسسسسسسلم مرورك

هههههههههههههههههههههههههههههههههههههههههههههههههههههههه

جامده اخر تلات حاجات بجد عجبتنى جدااااااااااااااااااااااااااااااااااااااااااااااااااااااااااا 000201F9

تسسسسسسسسسسسسسسلمى يا عسوووووووووله ع المرور

1) أستمورننج
لفظ
يقال في الصباح بغرض تناول الطعام أو التدخين ، أو شرب الشاى حتى يفيق
الشاب من نعاسه ، مثل " هاروح اعمل أستمورننج علي القهوة وجاى "

(2) الأبلتين لدع في دهاليز الحياة
عبارة تدل علي الخواء أو الفوضى في الحياة ، وغالباً ما تأتى بقصد الفلس

(3) أعمل دماغ
عبارة مشهورة لدى المدخنين ويقصد بها ضبط الحاله المزاجية عند المدخن

(4) أديها جاز
عبارة
تقال في مواقف المشاحنات بين الأصدقاء لزيادة حدة المشاجرة ، مثل " أدى
الخناقة جاز علشان تولع أو شعللها " سواء بالكلمات أو توجية اللوم لأحد
المتشاجرين لكى يثور علي الاخر

(5) أختفى شوية
أى
لا تجعل أحد يراك هنا أو أبعد الآن أو أمشى من هنا ، مثل " عاوزك تختفى
شوية لحد ما الحياة تعدى " أى لا تظهر نفسك حتى تنتهى المشاكل . أو "
أختفى من أمامى الأن .. أى أمشى وأترك المكان لأنى لا أريد رؤيتك

(6) أيه النظام
عبارة
بمعنى أيه الموضوع ، ولقد أستغلت الكلمة في أحد إعلانات الموبيل فى نظام
كروت الشحن و العبارة تدخل في العديد من الأحداث التى يتسائل فيه الشاب عن
الأحداث الجديدة ، مثل " أيه النظام .. النظام في العظام " والعبارة
الاخيرة تفيد الأعتراض علي الإجابة بإسلوب فيه عبط وإستهبال

(7) أليط
لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة

(8) another stone
وتعنى بالروشنة " حجر أخر لشاربى الشيشة على المقاهى "

(9) أتشبح
مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح

(10) إتم
والأتامه
حسب تعريف الروشنه تعنى الغلاسه والرخامه والتناحه ، وجميع الصفات السيئة
التى قد يتصف بها شاب معين .. ويقولون " الإتم جه " أى استعدو لتحمل
السماجه التى سوف تظهر من هذا الشاب

(11) أزبهل
لفظ يدل علي الزهول الشديد ويقال " انت مزبهل كده ليه " أى مندهش لدرجة العبط

(12) إحلق
وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق

(13) أتوبيس راجع بضهره
عبارة يقولها الشباب علي الفتاه الغير جميلة ولها لدى الشباب اسماء اخرى ، مثل " زى الكره الكفر " أو " صب حته واحده "

(14) أعلمه
وهذا
مصطلح يعنى التشوية في جزء من الوجه بآله حاده ، مثلما أراد الفنان محمد
سعد في فيلم الناظر مع النجم علاء ولى الدين " أعلمك بمطوه يا ابو صلاح ده
ختم الصياعه "

(15) أنش
لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل

(16) أملئ التنك
عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام

(17) أمبلايز
مصطلح
بمعنى " في القشوش " اى ان الموضوع الذى سعيت من أجله لم يتم ، او تعبت
علي الفاضى ، وتقال " الحياة في الامبلايز " اى ان الحياة خربانة وفاشلة

(18) أشاعاتى
الشخص القادر علي اصدار الشائعات بمعدل 50 أشاعه / ثانية ، رغبة في التشهير بالاخرين وايهام الغير بالسوء

(19) أبجنى تجدنى
عبارة
تعنى " انا يمكن شرائى بالمال " او اعطنى المال لكى انفذ كل ما تطلبة ،
وغالباً ما يقولها الموظفين المرتشين او الشاب الذى لا يهمه إلا مصلحته
دون الأخرين

(20) أنجز بالونجز
كل
المشاكل التى تقابلها لها حل سريع وحاسم ما دمت تدفع المقابل ، والونجز
يقولون انها كانت نوع من انواع السجائر قديماً ، لكنها تطلق هنا علي
النقود لانها حلالة العقد وسريعة التأثير في انهاء المصالح المتوقفه

(21) أستك
مصطلح يعرفه التجار ويعنى الألف جنية

(22) أرنب
مصطلح
شعبى بمعنى مليون جنية .... ويقسمه التجار ورجال الاعمال مثل " نصف أرنب "
أى نصف مليون جنية والربع أرنب يعنى الربع مليون جنية اما الورك ارنب فهو
المائة الف جنية

(23) أخلع دلوقتى
عبارة
تقال كأعلان لرغبتك في رحيل شخصاً ما ، أنهيت الحديث معه ، مثل " أخلع
دلوقتى ورايا شغل " أى امشى الان ونتكلم مره اخرى فلدى ما اهتم به غيرك

(24) أتزرع هنا
بمعنى
أنتظر هنا ولا تتحرك مثل أى جماد أو شجره وتقال " إتزرع هنا لحد ماجى تانى
" أى لا تترك مكانك أو موقعك حتى أعود إليك مهما كانت الأسباب

(25) أعلن فرارى
عبارة
بمعنى انوى الإنسحاب من الجلسه او الموقف الذى اعاصره ، وتقال " اسف " انا
هأعلن فرارى اى انا ماشى او لن انضم اليكم في الحديث

(26) أتارى
مصطلح
يطلق علي السيارات الخفيفة ، لانها تشبه السيارات في العاب الفيديو جيم او
الاتارى ، مثل " سياره الشرطه " ويقولوها المدمنين " اجرى يالا عربية
الاتارى جاية "

(27) أيه الحياة ؟
سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة علي الوضع الحالى

(28) أخلع فرد
عباره مأخوذه من لسان شاب جزمجى ، وتفيد معنى ان من نتكلم عنه قادم

(29) أحنا اللى بهيظنا الفهايص
عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن الوعى "

(30) أبو الغضب
اسم
يفيد معنى الشر او ان هناك نية مبيته بالايذاء ، ويقال اسم ابو الغضب في
وشه اى ناوى علي الشر ، اما " ابو الغضب " نفسه فهو شخصية كارتونية شريرة
ظهرت في حلقات ( مازنجر ) وعلي غرار المعنى يقال شبية أبو لهب او شبية
أبرهه الاشرم وكلها شخصيات شريره

(31) أوزى
لفظ يطلق علي الفتيات الصغيرات الجميلات في المدارس الثانوية والإعدادية وشابه ذلك

(32) أنتر
مصطلح
مشتق من الكلمه الانجليزية Enter وهو زر إدخال البيانات في الكمبيوتر
ولكنه يأتى بمعنى " لا يعيش له سر او فاضح لاسرار الاخرين " او لديه
استعداد للاستدراج في الحديث

(33) أيه البواخه ديه
عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو

(34) أدعك الفانوس
عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى احل بدون ان يراك احد

(35) أنزل من ع المسرح يا نجم
عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع

(36) إنسانى وخد عنوانى
عبارة
تفيد عدم المشاركة في اى احداث قادمة او معاصره لموقف معين ، مثل " تحب
تروح السيما ؟ لا .. انسانى وخد عنوانى ،،، اى لا اريد الذهاب لاى مكان او
جاء ميعاد انصرافى وسوف تجدونى وقت الحاجه مره اخرى

(37) أنف
الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره دونية

(38) أهرش
لفظ
يفيد " طلع اللى في جيبك " او ادفع لى حتى اقوم بما تريد من خدمه وتقال
ايضاً " اهرشنى " اى اعطنى نقوداً في السر او في العلانية

(39) أنزل من علي ودنى
عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى

(40) أوكشه
وهى الفتاه الباهره الجمال او التى تستحق ان يطلق عليها كله " أنثى "

(41) أنتخ
لفظ
بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ
من غير شغل كتير " والمقوله يردد مثلها الاباء كثيرا للابناء الجالسين بلا
عمل بعد التخرج ومعناها ابحث لك عن عمل بدلا من الجلوس الممل لانى لا انوى
الاستمرار في منحك مصروف

(42) أشتغله
اى اكله البلوظه او اكذب عليه او اخدعه او استهبل عليه وتقال " انت بتشتغلنى "

(43) أينح
لفظ
يدل علي الشخص الذى يجلس في استرخاء وهدوء بدون عمل ويقال " انت مأينح ليه
" اى ما هو الشئ الذى تنتظره حتى تحقق ذاتك وتبحث لك عن هدف

(44) أوجو
مصطلح يطلق علي الفتاه التى تخضع لتأثير الشباب بسهوله ، او ذات العلاقات المتعدده مع الجنس الاخر

(45) أدرجى
لفظ
يطلق علي محترف الصياعه او " لافف " ويقال انت شاب أدرجى في السوق ، اى
بارع في التجارة وتفهم الكثير من خبايا الامور واحيانا تقال للشاب ذات
العلاقات النسائية المتعددة

(46) أيحه
لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم

(47) أشايك
مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر

(48) أرحلك
إنظار
صريح بالطرد او النفى ، وسوف اعيدك من حيث اتيت وتقال حينما يخطئ الشاب في
من هو اقوى منه مهنياً او قائد المعسكر لشباب في الرحلات

(49) أنت هركليز
عبارة استخفاف تقال للشاب الذى يرى نفسه بطل او المتظاهر بالقوه

(50) أرقدلك
تهديد صريح بالشر ، والترقيد هى النية المبيتة بالشر او الإيذاء

(51) اقعدلى في حته ناشفه
جملة
سخرية توجه للشاب الاهبل او الذى يخطئ في الكلام كالأطفال حين يتبولون علي
انفسهم علي اعتبار ان الشباب والرجال لا يخطئون ولديهم تحكم ذاتى بالنفس (
الحمام يعنى )

(52) أحط عليك
عبارة
لها العديد من الاستخدامات ، فأحياناً تفيد الاستقصاء او نية الايذاء احط
عليك في الشغل اى سوف اتصيد اخطاءك حتى اعاقبك واحياناً تقال بمعنى
الزياره مثال " هحط عليك بكره " اى سوف ازورك غداً

(53) انت من الكفار
عبارة
بمعنى " انت من الاعداء " أى الذى كفر بمبادئ الشله وعهودها والتزاماتها
الوشنية ، مثال " مش جاى الديسكو النهارده ؟ فيقول لا .. فيردوا عليه
ويقولوا - انت بقيت من الكفار اى المنشقين عنا

(54) أفتكس
كلمه
تعنى القدرة علي الاختراع او التأليف في مجالات الحياه المتعدده التى تتسم
بطابع العبط والاستظراف مثل " ايه اخر افتكاساتك يا عم ،، اى ما هى اخر
اختراعاتك في الحياه

(55) إستوك .. بيتوك
مصطلح
يطلق علي الفتاه الجميلة ، وهذا اللفظ يتشابة مع اللفظ الذى ورد في
الاغنية الشهيره التى تقول " أيه الأستوك ده ... اللى مش بيتوك ده " اى
التى تسير بدلع ودلال أنثوى ليس له مثيل

دى اضااافتى يـااا رعــد..تسلم

تسسسسسسسسسسسسسسسسسسسسسسلمى ع الحاجات الجامده دى

» (ازاى تثبت بنت)
» ازاى تتعامل مع خطيبتك ؟؟؟؟
» لو متجوز شوف ازاى تطهق مراتك هههههههه