فضفضه

اقوال من الزمان تيجى معاك وتلزم الصمت والسرحان
والكلام بيتعب لو تفكر فيه مع نفسك فضفك مع الجمال والدلال
وهيجيب على اسئلتك شباب جمال
تطلب طلب مستعجل 15جنيه والباقى على حساب صاحب الكافيه رعد
وهنرد عل الاسئله بتعت حضرتك
طلبك عندنا اخول وجرب مع المتعه السحريه عصا لولبيه
تحكى عن الزمان والمكان
تطلب طلب عادى 25جنيه والباقى على حسا الباشا همس
بس يا رب يوفقو على الدفع
ادخل وفضفض بس فضفض بضمير وكل حاجه عنك من رضيع الى شيخ

شكرا يوسف علاء

اقتباس :

تطلب طلب مستعجل 15جنيه والباقى على حساب صاحب الكافيه رعد

ليه بس التدبيسه دى

ماشى ماشى

المهم انا هكون اول واحد افضفض
وعنوان الفضفة يوم فى الثوره وهو امبارح الجمعه 25 فيراير

بصو يا جماعه امبارح روحت اصلى الجمعه بعد الصلته لقيت الناس بتقول ان فيه مظاهره هنا فى البلد
علشان مطالب معينه وهدفها محاربة الفساد فى البلد وطبعا بينظمها ائتلاف شباب جديدة الهاله

وكان بيتوزع ورق علينا وكده المهم انا كنت ناوى اروح المنصوره اشترك فى المظاهره هناك كمان
بس المهم لما لقيت كده قولت اقعد شويه اشترك بلدى اولى بيا لقيتهم لسه
بيننظمو وكان ناس كتير م البلد ما يعرفوش وكده فا كان العدد قليل بس المهم
اننا بدأنا نطالب والعدد اكيد هيزيد بعدين

المهم روحت درس وروحت لبست هدوم الثوره وروحت نازل المظاهرات فى المنصوره
انا وصحابى نزلنا عند المحافظه لقينا العدد ما يعديش الف واحد فا العدد كان
قليل قولنا خلاص ننزل نتمشى شويه

كنا رايحيين ع المشايه نتمشى شويه روحنا عند كوبرى طلخا واحنا ماشيين ع
الكورنيش من تحت لقينا ناس واقفين فوق ع الكوبرى وعمالين يصورو وكده طلعنا
نشوف فىايه انا واتنين صحابى لقينا الامن المركزى بيضرب فى متظاهريين ويشوح
عليهم قنابل مسيله للدموع وفيه ضرب جامد انا فضلت واقف شويه اشوف اللى
بيحصل وافهم الموقف عرفت ان الامن المركزى اعتقل واحده كانت ماشيه مع اختها
وواحد كان ماشى مع اخوه وكمان 8 و وأنا واقف لقيت الأمن المركزى بيبعت
ناس لابسين ملكى علشان يهدو المتظاهرين كان عددهم تقريبا 150 عند مديريه
الامن دا غير اللى كان بيتفرج فا انا علشان المرور ما يقفش وقفت انظم
المرور ع الكوبرى وفعلا لاقيت الناس السواقين بيسمعو الكلام ومتعاونين جدا
لحد بقى ما شوفت انم الناس اللى بيتفاهمو مع المتظاهرين خدوهم قريب من
الامن المركزى علشان يفضو الموضوع راح الامنن معتقل اتنين منهم وقعد يضرب
قنابل مسيله علينا طبعا انا ما عنتش شايف حاجه والناس كمان وما اقولكوش يا
جماعه كان بيحصل ايه كنا فى جهنم كنا بنمووووووووت فعلا ومهما وصفت مش هقدر
اصورلكو الموقف كان عامل ازاى المهم كلنا كنا بنجرى فى كل حته مش عارفين
بنجرى فين انا جريت ع الكوبرى انا وواحد من صحابى والتانى جرى ع الطريق قام
ولاد الكلب ضربين قنبله مباشر فيه خبطت فى رجله وقوتها بالضبط كأنها طلقه
مدفع
الواد أخد القنبله فى رجله ووقع ع الارض والغاز حواليه المهم فاق وبقى كويس
بس حلفنا اننا مش راجعيين الا لما ننزل الناس اللى وناخد حقنا روحنا
نازلين شارع بورسعيد كان ع الساعه 9.30 بالليل تقريبا و العدد بتاع
المتظاهرين كان بيزيد واحنا عمالين نحدف طوب فى الامن وهمه يشوحو علينا
قنابل وخراطيش لما ما عدناش قادرين وناس مننا اغمى عليها والامن حاصرنا فى
شارع السكه الجديده ونزل فوقنا بالقنابل لحد ما ما عدنالش قادرين نشوف
وعنينا ما عدناش قادرين نفتحها والدموع نازله سيول وبرضو عمالين نضرب
ونحارب فيهم لحد ما عددنا وصل لألف وعمالين نضربونضربلحد ما حاصرونى انا
وخمسه فى شارع صغير فرعى فى السكطه الجديده واللى فيه صيدليه الطرشوبى
وطبعا ما كنش فيهولا محل فاتح وكل النور مقفول والدخان والمولوتوف كأننا فى
نهايه العالم فجأه واحنا متحاصريين اضرب علينا 6 قنابل مره واحده منعت
الاكسجين وحسينا ان جلدنا بيتشوى قعدنا نجرى فى كل حته بس مش عارفين نطلع
علشان الحصار ده وخلاص هنموت لقينا الناس من البيوت بيشوحو لينا بصل وخل
اخدناهم فوقونا شويه على ما الغاز راح من الشارع وجبت قنبلتين معايا من
اللى اتضربو علينا ودى صورتهم مع العلم انها منتهيه الصلاحيه من 2008
ومكتوب عليها تحذير شديد بعدم اطلاقها بعد انتهاء الصلاحيه وعدم اطلاقها
مباشر ع الشخص وللاسف كانو بيعملو الحاجتين دول معانا بس على مين دا احنا
بناكل فول وعيش متسخن ع البوتاجاز
ملحوظه : القنبله الاولى صناعة شباب كافيه والتانية صناعه USA

المهم بقى واحد صاحبى اغمى عليه والنانى اضرب عليه نار حى بس الحمد لله
الرصاصه ما جاتش فيه معديه من جنبه علطول وبعدين صاحبى اللى اغمى عليه
فوقناه وفضلنا نجمع فى الناس لحد ما فكينا الحصار وطلعنا للثوره تانى وفضلت
الحرب دى لحد الساعه 12 بالليل لقيت لو اتأخرت عن كده ها خدها كعابى
وبالذات انهم كانو طلعوا البنت المعتقله و3 كمات قولت يلا نروح بقى وواحنا
مروحين الجيش كان بدأ يتدخل ولحد النهارده لسه اثار القنابل فيا ومش قادر
احط ميه على وشى وحاسس انى شارب حشيش

فضفضه Ra3d10

وده كاااان يوم امبارح بس بجد يا جماعه انا شايف ان كلامى ده ما يوصفش جزء
من مليون من اللى انا شوفته امباااااااااارح بجد تعبير كنا فى جهنم قليل
عليها

والله العظيم حسبنا الله ونعم الوكيل فيهم

هو الامن ده ايه حيوان ولا شياطين دول مش بشر زينا

عالعموم يومهم قرب اووووووووووووووي

والحمدلله انك يا رعد كويس انت وصحابك

وان شااء الله هيجي يوم ربنا هينصركم فيه عليهم

الحمد لله يا عسل

بس ولا يهمك

احنا متعودين اصلهم يوم يجيبولنا بلطجيه ما ينفعش معانا ويوم يجوبولنا غاز وما ينفعش معانا

دا احنا لو كفره مش هيعملوفينا كده

دا احنا اخوات

والله حتى وانا بشتبك معاهم ببقى من جوايا بتطع لانى عارف انه اخويا هو اللى بضربه

بس همه اغبيه وبيضربو فى اى حته ولازم ندافع عن نفسنا

بس الحمد لله

ولكل ظالم نهايه

زائر

وربنا بيهدونا مش اكتر

ولازم نبقى مصحصحييييييييين

عشان د\م الشهداء ميرحش هدر

طب يا جماعه فضفضو

زائر

ايه رايم ف الحب من طرررف واااااااحد

اقتباس :: ايه رايم ف الحب من طرررف واااااااحد

يـــااااه يادمــوع..صعب جــداا طبعــاا.ومفيش تعليق يتقال عنه بصــراحه

زائر

انا بقول عشان تهدى بكلمتين

تشعليلها :]

لا ع فـــكره انا راى انه هيتنسى بسرعه حتى لو كان حقيقى هياخد وقت بس هتنـــسى

اصعب حب لما تلاقي اللي انت تحبه مبيحبكش
واما تحس مهما عيونك تنطق قلبه مبيحسكش
تبدا تضعف...يمكن يعرف
تبدا توهب...يبدا يخطف
فجاه تحس ان اللي انت وقعت ف حبه ....ميستهلكش

مفيش مشاريب ياجماعة عندنا مية بس ولو مش عاجبه يشرب منها
تسلمــ ع التوبيـــــــــك ياجو

اكيــــد صعب جدا جدا

صعبه الحياه حزينه يا واخده العزيز والغالي وايامنا الجميله

شكر يا جماعه على المرور
شكرا يا بروف رعد على الكلام ده
واكيد هم بيقول كلام وخلص وياريت المدارس تعمل ذى ما المدرسه بتعمل
ويا ريت الشباب تكون صحيه للكلام
فى حاجات كتير اوى لزم تتغير وانا والله اتغيرت كتير
شكرا يا دك همس يا جميل على الكلام ده

والحب من طرف واحد مفيش حد بينس ال لو كنتى مش بتحبيه بجد
وده مش اخلاص للحب

شكر على المرور ده

» لعبه سؤال او فضفضه في الحب