لكى الله يا مــــــــــــصر

فى الفترة الاخيرة كلنا تابعنا موضوع قانون الطوارئ و غضب جميع فئات الشعب من هذا القانون
وشوفنا مظاهرات و وقفات احتجاجية كتير اوووووووى كالعادة لم تؤتى بثمارها لان الديمقراطية فى بلدنا
و من وجهة نظر المسئولين (انى اسيبك تقول اللى انت عايزه وتزعق وتهلل وفى
النهاية انا حعمل اللى انا عاوزه واخبط راسك فى اجدعها حيط )

وفى النهاية فعلا تجدد العمل بقانون الطوارئ فى مشهد درامى فى مجلس الحزب الوطنى وليس مجلس (الشعب) و استمرت الحياة
و الموضوع اتنسى وجيه موضوع غيره وعااااااااااااادى زى كل حاجة بتحصل فى مصر بتاخد وقتها و زعيقها وتخلص وتتنسى ويحصل
اللى عايزه الحزب والحكومة غصب عن التخين فيكى يا مصر وده استنادا للقانون والدستور ولا يشوب القرارت دى اى عائق قانونى
يعنى متقدرش تمسك عليه واحدة ... ويبقى الوضع كما هو عليه حتى حدوث مصيبة و اخرى واخرى واخرى ... الى ما لا نهاية

فى اخر مرة اتجدد القانون كانت بردو الدنيا قامت وهاجت وازاى وليه ... وفين قانون الارهاب
(اللى مركون فى ادراج الحكومة بقاله 5 سنين )
قالوا ده اخر تجديد و لن يتم التجديد والان نسوا الوعد وبدأت نغمة ان القانون فى مصلحة مصر والسياحة وتجار المخدرات
لانهم بيهددوا الامن القومى والاسطوانة المشروخة دى طب واللى بينهبوا البلد دى ... اللى بيمص دم الغلابة باختراع ضرائب غريبة وعجيبة
واللى بيسرق الدقيق المدعم ويبيعه فى السوق السودا لحد ما الناس بقت بتتخانق على رغيف ... واللى خد رشوة عشان يسهل لواحد ويديله حاجة
مش من حقه على حساب واحد غلبان تعب واجتهد وفى الاخر خد على قفاه ... واللى ... واللى ... واللى
كل دول مش خطر على الامن القومى ؟؟

وبعد تجديد القانون و تخدير الناس بموضوع جديد يشغل بالهم بدات انا فى رحلتى فى البحث فى تاريخ هذا القانون واسبابه ومميزاته وعيوبه
وركزت على جانب مهم جدا فى بحثى وهو نظرة الخارج لينا بعد تجديد هذا القانون و كونت وجهة نظر قد تكون خاطئة او سليمة
لقيت ترحيب فى الخارج بهذا القانون وتحديدا من اكبر دولة فى العالم (ماما امريكا) بلد الحريات والديمقراطية ترحب بقانون يطمس ويقلل
من حريات مصر طب ليه ؟؟ ايه السبب ؟؟ امال فين الحرية بتاعتهم وفين الديمقراطية وكل الكلام الكبير ده ؟؟
فوجدت ان من مصلحة امريكا ان يظل الوضع كما هو عليه بعدم وجود اى نشاط سياسى فى مصر الا للحزب الوطنى اللى مش ديمقراطى
ده لو يصح اننا نطلق عليه نشاط سياسى اصلا لان من اساسيات النشاط السياسى ان يكون فى تداول للسلطة
مش يفضل الحزب والرئيس 29 سنة على قلوبنا بدون ان نتقدم خطوة للامام بالعكس رجعنا 100 خطوة لورا

وكل هذا مقابل المعونة الامريكية حاجة كده زى اما تدى حسنة لواحد غلبان فقران معيهوش تمن عشاه فانت بتمن عليه بقرشين فايضين عندك
ومش لله ... لا قصاد مقابل هو حريتك وحقك فى انك تكون دولة مؤثرة فى الوطن العربى والشرق الاوسط

وادى النتيجة دول حوض النيل مثل اثيوبيا وغيرها وهى دول لا تذكر و يعتبروا
اقزام مقارنة بقيمة مصر بيهددونا بالمياه وده اكبر دليل على تراجع
دورنا فى افريقيا مبقاش لينا هيبة وده بسبب الخطاب السياسى الهادئ ونقدر نقول عليه الخطاب الطرى حاجة كده زى (الجيلى )

مصر بقت ملطشة بايد مسئوليها قبل ما تكون ملطشة من الغريب المواطن اللى
ملهوش كرامة فى الداخل عمره ما حيبقى ليه كرامة فى الخارج و الدليل على كده
كل يوم نسمع مواطن مصرى اتقتل فى نيجيريا و فى المانيا وفى لندن وفي لبنان وفى اى حتة ملهوش كرامة ولا تمن
اذا كانت مصر هانت على ابنائها مش حتهون على الغريب ؟؟

لكى الله يا مــــــــــــصر

عندك حق والله يارعد
هى هانت علينا مش هتهون ع الغريب؟
المشكله اننا عارفين الوسايل اللى تخلينا نبقى احسن
وكل يوم بناخد قرارات وتصريحات
وللاسف الشديد بنبلط تانى يعنى مفيش حاجه بتتحقق

طبعا هو الحزب الوطني عارف ان قانون الطوارئ هو الحامي الوحيد للسلطة لهم

وعارفين ان 95% من الشعب بيكرهو الحزب الوطني وال 5% الباقيين المستفيدين من بقاء الحزب الوطني

والحال في مصر لم يتغير الا الي الاسوء

مصر بقيت ملطشة فعلا واى حد بيخبط فينا وممكن يتكلم علينا
ولا بنعمل اى حاجه
وكل شويه بلاوووووووى عن مصر والفساد اللى فيها
ولا حياة لمن تنادى
و2012 برده قانون الطوراى حيتجدد ومافيش حاجه حتتغير
لكى الله يامصر

كل اللي يقدر يعمل حاجة لحسابه ولمصلحته مش بيستنى وتولع مصر باللي فيها

واللي مش عجبه ,,,,,,بكل بساطة,,,,,,,اعلى ما ف خيله يركبه

الطبيعي انها تهون في الوضع اللي احنا فيه وربنا يستر من اللي جاي

مشكوووووووووور

آآآآآآآآآآآه يا حقوقى المسلوبه

آآآآآآآآآآه يا صبابتى المسلوبه

آآآآآآآآآأه يا حريتى المسلوبه

آآآآآآآآآه يا احلامى المسلوبه

هــذه اصبحت هتافات شباب مصـر وايضا صبايا مصـر

انا وانت وهو وهى

للاسف

نعم احمد

نحن ضحايا فئه قذره استولت على حق الشعب

استولت على حلم الشعب .. حلم شعب بسيط

اعظم طموحاته الستــر

.
.
.

قسما لن نستكين حتى نسقط هــذا النظام اللعين

ولكى نسقط نظام العين .. لابد من اسقاط قانون الطوارئ

واسقاط ايضا مؤيدى هــذه القانون .. واللعنه عليهم ايضا باذن الله

.
.

اعــذرنى فلقد تعودت نفسى على الجرأه فى قول الحقـ
ولا اخشى فى الله لومة لائم .. طالما بأنادى بحق مشورع
ولا اعلن تحدى لشخص مـا .. ولا اسعى استفزاز احد مـأ
وانما تعودت بفضل الله تعالى

" ان الساكت عن الحق شيطان اخرسـ"
.
.

وان لم تسكت ايضا عن الحق
شكرا احمد .. جزاكم الله تعالى خيرا
كلام راقى جدا ..