تجيب كيلو جبنة وعلبة حلاوة آتاري العلاوة مجرد أتاوة آتاري العلاوة مجرد أتاوة

السلام عليكم ورحمة الله وبركاته

قصيدة ف حب مصر

منقوله للامانة

المهم هيا عجبتنى وحبيت اوريهلكم

.................................................. ............................

تجيب كيلو جبنة وعلبة حلاوة
آتاري العلاوة مجرد أتاوة
آتاري العلاوة مجرد أتاوة
*****

عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****

أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط
*****
تؤكد بأن الحكومة بذكاء
و من حزمة واحدة قضت ع الغلاء
و لابد يبقى لدينا انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا منعرفش ليه
ماتلمح مكانا في مرة عينيه
و نقدر ندوق منه حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورأينا اللي صح وكلامك غلط
*****
و قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حتعمل حسابه ف ايه الحكومة
وهي اللي جاهزة بكرباج وشومة
عشان لوفي واحد في عقله اتخبط
*****
تعيش مصر دايما في عز و جمال
يعيش المواطن شديد الاحتمال
و آمن تماما من الاشتعال
و أقصى ما عنده ينكت فقط

*****

هههههههههههههه
وربنا دا شاعر وطنى وعنده دم
جميله والله
وهو دا حالنا

اتارى العلاوه مجرد اتاوه

ميرسى يارعد

قصيده جااااااامده

بتشرح حال البلد بأسلوب ذكى و كوميدى

بس هى ديه الحقيقه

وعمـــار يا مصــر

ميرسيى يا جماعه ع تعليقاتكم الجميله

نورتوا التوبيك

ميرسيى

مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورأينا اللي صح وكلامك غلط

ههههههههههه
جميلة فعلا ومعبره
صريييييييييح وجايب من الاخر

مشكور يارعد

ارحمووووووووووووووووووووونا يا ناااااااااااس