قال ايه البنت زى الولد

طلعت سعاد حسنى صيحة من زمان واتشهرت مرة واحده
وهى ال بتقول "البنت زى الولد مهش كمالة عدد"؟!؟

وبعديها على طول بقى الشعار ده بيتبناه المجتمع بقوة شديده... مش عارف ليه؟
بس انا برضو مش مصدق ولا اعتقد على الاطلاق ان البنت زى الولد
لان دى الحققة والاسباب كتييييير قوى
بس انا هقولكم على شوية منهم بس لان الباقى مش هينفع!؟

نبدأ بقى >>>>

1
فيه مثل بيقول "الواد لخاله والبنت لعمتها" يعنى الواد بيطلع شبه خاله
والبنت بتطلع شبه عمتها
فلو مكنش فيه فرق بين البنت و الولد كان الولد كبر وطلع لعمته ... مبلوعة
والبنت كبرت وطلعت لخالها .... تبقى مصيبه

2.
بيقولوا للولد لو عاكس بنت فى الشارع .... انت معندكش اخوات بنات يا كبتن؟؟!!؟
ومع ان فى بنات كتير بتعاكس ولاد وفى الشارع برضو
عمرنا مسمعنا حد بيقول لبنت
انت معندكيش اخوات صبيان يا
؟؟!!؟؟MOZZA

3.
ونفس الكلام ممكن نقوله على مقولة "ترضى حد يعمل فى اختك كده"؟؟

4.
الولد ممكن يقعد عند اميكانيكى ويشرب عنده شاى.... ؟؟!!؟
مش عارف ايه الميزه فى كده؟؟!!؟؟
بس ال اعرفه ان البنت مبنفعش تقعد عند ميكانيكى....؟

5.
الولد يقدر ينهى مكالمة تليفون فى ثانية ... لانه مش رغاى
يعنى يقدر يعمل مكامة ويقول فيها كل العاوزه بسرعةوده طبعا معناه فاتورة تليفون اقل او عمر اطول لكارت الشحن
البنت ممكن تخلص كارت ب 150 جنيه قبل ما تدخل فى الموضوع اساساً

6.
الولد لو مسافر 5 ايام اجازه كل المحتاجه بنطلون جينز واحد وتيشيرتين وفوطه وفرشة سنان وفرشة شعر وجيل كل دول يرميهم فى شنطه على كتفه وخلاص كده؟؟!؟
البنت لو مسافرة 5 ايام اجازه عاوزه شنطتين من بتوع واحد مسافر الكويت؟!؟

7.
الولد يقدر يفك انبوبه وينزلها ويركب غيرها
البنت اخر عزمها ممكن تصرخ وهى فى المطبخ
"يا ماما الانبوبه خلصت"

8.
الولد ممكن يقلع جزمته فى الشارع ويديها لبتاع الورنيش يلمعهاله
البنت مستحيل...!؟9.
لو كان الولد زى البنت مكنش العالم كله مشى على قعدة
Lady's first?!?
يعنى الستات الاول
بالمناسبه صح لو كانت القاعده دى صحيحه ... مكنش ربنا خلق الراجل الاول

10.
البنت ممكن كلمة صغيرة تجرح مشاعرها وتخليها تعيط
الولد فيه طبقة .... سميكة فوق مشاعرة بيحس اقل وعمرة ما عيط
ولو عيط هيتهمه انه بيعيط زى البنات

11.
لو الولد راجع من مشوار فى عز الحر ممكن يقلع هدومه اول ما يدخل من باب البيت عل طول ويرميهم فى اى حته
بالنسبه للبنت هيكون الموضوع صعب شويه

12.
لو فيه موسيقا شغالة
صعب جدا حد يقول لولد "ما تقوم ترقص"!؟

13.
لو الدنيا حر ممكن الولد يروح يحط راسه تحت ميه ساقعه من غير تردد
ولو حر خالص ممكن يشيله اصلا بالموس
لكن البنت .........؟ هتبقى مصيبه

14.
الولد مش مضطر يمشى بشنطه؟؟؟!!!؟؟؟

15.
الولد ممكن صحابه يعدوا عليه ينزلهم فى دقيقه ويخرجه ويرجع بعد ساعه من غير ما يقول لحد ومن غير ما د ياخد باله وحتى لو خد باله عادى...!؟
لكن البنت متراقبه 24 ساعه
وفكرة ان صحابتها يعدوا عليها ويخرجه ومع بعض
فدى فكرة فااااااااااشلة ويحتاج تنفذها لمجهود خارق

16.
لو البنت قاعده على جهاز كمبيوتر فى المدرسه واتحرق منها
المدرسين هيجروا عليها ... ولو لقوها مخضوضه وبتعيط هيطبطبوا عليها ويقولولها فداكى الكمبيوتر
اما لو حصلت مع ولد هيروح فى ساعتها ومعاه جواب استدعاء ولى امر17.
الولد ممكن ينزل يقف فى زفة ابن عمه
البنت اخرها تقعد تسقف وتحترم نفسها ... كفايه بقى!!؟

18.
البنت لما تحط مكياج تبقى احلى
الولد لما يحط مكياج يبقى بلياتشو

19.
لو البنت زى الولد
ابقى انا زى بنت عمتى
وايليسا زى كاريكا
والهام شهين زى يوسفشاهين
والدنيا تخرب

20.
لو البنت زى اولد مكنوش عملو خانه فى البطاقة مكتوب فيها النوع وال لازم يتكتب جنبها بكل وضوح يا ذكر يا انثى يابيض ياسود
هههههههههههههههههههههههه
_________________________________

انا قلت شويه فروق لو فكرت شوية هتلاقى فروق اكتر انا مرضتش اقولها؟؟؟
ولو سمحت محدش يسال ليه؟؟

ويا ريت برضو محدش يبقى يقول كده تانى
"البنت زى الولد"
لان طبعا اكتشفنا ان سعاد حسنى كانت بتهزر
بس مش عارف ليه كده بتاخدوا كل حاجه كده على قلبكم وكل حاجه جد؟؟

لاااااااااااااااااا انت عندك حق وانا ما بعترفشى ان البنت زى الولد
البنت طبعا احسن من الولد
هههههههههههههههههههههههههههه

ليه بس كده يا نونا
لا طبعا الولد احسن من البنت فى حجات كتير
بس يا ستى انا مش هزعلك
ولا الولد احسن من البنت ولا البنت احسن من الولد
يعنى الولد زى البنت
لالالالالالاالا ييييييييييييييييييييه
طيب ما احنا كده رجعنا لاول الموضووووووع وطبعا الولد مش زى البنت
لكن ارجع واقول فى بنت بميت رااااااااااااااجل وفيه رااااااااااااااااااااجل بميت ست
وده بيبقى بالاعمااااااااااااااااااااااااااااااااااااااااااااااااااااااااااااال

اقتباس :: لكن ارجع واقول فى بنت بميت رااااااااااااااجل وفيه رااااااااااااااااااااجل بميت ست
وده بيبقى بالاعمااااااااااااااااااااااااااااااااااااااااااااااااااااااااااااال

صح كده يا رعد ميه ميه كلامك ده

موضوووووووووووع زى العسل وكلاااااام رعد صح

» ليه البنت احسن م الولد
» لفرق بين جهاز كمبيوتر البنت وجهاز الولد .....مضحك جداااا
» لما البنت تاكل شوكولاته