ŖÁξÐ ƒRÎèÑÐ الحاج صاحب الكافيه
مصالحك فى الكافيه : 5717 عامل قلق فى الدنيا من امتى : 30 حط يا كبير اسم سايت بتروحو : مدونة شباب كااافيه مزاجك فى ايه ؟؟ : اخلى المنتدى فى السماااااا حالتك النفساويه ؟؟ : قلقان سجايرك : عيب يا ولاد كده مين ضحك عليك وجابك الكافيه : احلى منتدى حسابك عندنا : 19604 مشاريب على حسابنا : 58 يوم ما جات رجلك فى الغلط قصدى فى الكافيه : 26/12/2008 علم منطقتك يا عم الحاج :
| موضوع: حتسقط يعنى حتسقط يا جمعاوى الخميس 15 يناير - 2:42 | |
| حتسقط يعني حتسقط يا جمعاوي!!
أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..
لبست هدومي..وقبل أن أخرج من باب البيت..نظرت إلى الكتاب..وقولتله: وربنا..وربنا ما حذاكرك تاني..
ثم ذهبت إلى اللجنة مسرعاً وأنا سعيد إني خلاص حفضي دماغي من مادة -طبعاً ده إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!
وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد يا جمعاوى اللى معقول .. هو ده امتحان؟؟ .. مش ممكن!! .. ده امتحان محصلتش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام لقيت الورقة..عجيبة..غريبة..كالآتي:-
------------ --------- --------- --------- --------- --------- --------- --------- --------- --------- -
الاسم:.................... اكتب اسم الدلع:........... .. رقم موبيلك................
الإيميل:........... السيبر المفضل....................
السؤال الأول:اختار من بين الأقواس الكلام الصح:
1-حنان ترك اتحجبت يعني............ (لبست جزمة - لبست ساعة - لبست ايشرب)
اللي بنى هرم خوفو............ ..(طلعت مصطفى - المقاولون العرب - مقاول عادي – خوفو)-2
اللي بنى..بنى مصر كان في الأصل......(حلاق - نجار - تاجر مخدرات - السيد – حلواني)-3 البرنامج اللى بييجى كل يوم على على القناه الاولى الساعه7صباحاً ومحدش بيتفرج عليه اسمه -4 صباح الخير يا......( عمو - خالو - ماما – ريس – بابا – مصر)
مصر هى أمي نيلها جوا...........(بطني - رجلي - جيبي – دمي) -5
رئيس مصر القادم السيد......(جمال مبارك - جمال مبارك – جمال مبارك - كل ما سبق)-6
السؤال الثاني:أكمل الجمل الآتية بكلام م الآخر:
1-انتبه من فضلك السيارة ترجع إلى...............................
ماما زمنها............................................................-2
من خلال تجاربك السابقة...البامبرز استيك منه.................. -3
طلعت أدّب نزلت أدّب لقيت الدب بيأزز.................................-4
اسم والد اللاعب وائل جمعة الحاج..................................-5 ضع علامه NIKE او علامه غلط اما الكلام الجاى 1- بابا فين؟؟ ..بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- اللي بيته من سيراميك ميحدفش الناس بالبلاط ( )
4- شاي الجوهرة حتة سكرة ( )
5- يحكم مصر النظام الملكي ( ) لقيت ملحوظه مكتوبه فى آخر الورقه مكتوب فيها : يجمعاوى لو معرفتش الاجابه ابقى طلع المنفستوا بتاعك وغش منه يجمعاوى علشان تحرم بعد كده ترمى الكتاب بتاعى ------------ --------- --------- --------- --------- --------- --------- --------- --------- --------- -
قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي يا جمعاوي..ماشي يا جمعاوي
-جمعاااااااااااااااوي..أنت يا وااااااااااد يا جمعاااااااااااوي قوم بقى..عشان تروح الامتحان
-استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب.
احمد الشناوى
| |
|