محدش فاهم حاجه

بصراحة خبر عجيب جدا

مش عارفه يمشي إزاي مع المنطق

الأعجب هو أصحاب هذا الخبر

بصراحة محتاجه حد يشرح لي

شوفوا يا جماعة
قصة الخبر باخاصار :

واحد يكره واحد جدا جدا

يتمنى له مصيبة أو كارثة

طول اليوم يدبر له في مكائد زي القط والفأر

والأبشع من هذا إنه راح قال له عيني عينك إنه يكرهه

ومع ذلك المسكين ماشي وراء اللي بيكرهه خطوة بخطوة وعلى طول الخط!!!!

حد فاهم حاجة

لا ؟

يا نهاركم أبيض أمال هتفهموني إزاااااااااي؟

طيب نكمل يمكن تفهموا

اللي اكتر من كده إن الإنسان الحقود الكاره دا مش بس نجح يخلي الشخص الآخر يسمع كلامه وبس لا دا كمان بعث له ناس من طرفه يعلموه البوظان على أصوله .

المصيبة إن عمنا المسكين بقا برضه يسمع كلامهم رغم إنه عارف إنهم من طرف الشخص اللي بيكرهه ده !!!!!

حد يمسك نفوخي قبل ما يطير يا جماعة

طيب بالله عليك مش دا أمره يجنن ؟

عارف محدش فاهم شيء

هقولكم على كل شيء

إيه رأيك بقا إن صاحبنا المسكين دا اللي بيسمع كلام اللي بيكرهه يبقا

..
..
..
..
..
..
..
..
..
انا وانت وهى

من غير عجب اسألوني إزاي وأنا أقول لكم .

تعالوا نسأل بعض شوية أسألة :

1 الشيطان يكرهك ولا لاء؟

2 النبي عليه الصلاة والسلام بيحبك ولا لاء؟

3 لما هو عليه الصلاة والسلام بيحبك عصيت كلامه وسمعت كلام الشيطان وسمعت أغاني لييييييييييييه؟

زنقتك صح ؟

طيب خد دي كمان

1 الإسلام علمنا غض البصر يعني محدش يبص على عورات الناس ولا لاء؟

2 عارف إن اللي يخالف يعاقب ولا لاء؟

3 أمال سايب لعينك الحبل على الغارب تبص لدي في الكليب ودي في الفيلم ودي في الشارع لييييييييه؟

وإنتي عمالة تبصي على وسامة المطرب فلان ورشاقة علان ومشهد فلانة مع فلان في الفيلم لييييييييه؟

في سؤال رخم صراحة

إنتم بكدا متأكدين إنكم بتهكرهوا الشيطان فعلا ؟

أمال مشيين وررااااااااااااااه لييييييييييه؟

يا نفووووخييييي.

وآخر مجموعة من الأسئلة

1 الممثلين والممثلات دول ماشيين ورا كلام النبي الذي من المفترض إنك بتحبه ؟

عليه الصلاة والسلام .

يعني كلهم بالحجاب ومفيش كلام من إياه ولا مشاهد من إياها ؟

2 أمال هم مشيين ورا ميييييييييين؟

2 لما هم مشيين ورا الشيطان يا ابن الحلال ويا بنت الناس الطيبة وإنت بتكرهي الشيطان والشيطان بيكره جنابك طيب بتلمعوا في الناس دي ليييييييه وبتتابعوا جديدهم بأمارة إيييييه؟

طيب بالله عليك مش شيء يجنن؟

ممكن بقا حد يفهمني المعادلة دي تمشي إزاااااااااااااي؟

الناس ماشيين ورا المتعه اللى بيكتسبوها من ورا مشاهدة دى او دا او المشهد دا او المسرحية دى

بصى م الاخر ...الناس غابت عن المتعه الحقيقية ف الاسلام وحلاوتة

لمتعه زائفه هى متع الدنيا التى ستحرمهم من متع الاخرة الا من رحم ربى

بتفق معاك كتير يا رعد

وبقينا نشوف كلام البنات عن المسلسلات التركى واللى بيحصل فيها
اللى ما ينفعش كونا مجتمع اسلامى اصلا نفكر فيه

وغيرة

تسلم ايديكى يا قمره

الحمد لله مش بتفرج على التليفزيون و مش بخرج كتير هههههههههه انا بره الموضوع

اكيد كلنا بره الموضوع لكن دا موضوع نقاش

اوك انا معاكى فى الكلام اللى قولتيه و ان احنا المفروض منمشيش ورا عدونا لكن انا مش مع التعصب بردو انا ممكن تكون افكارى و معتقداتى غريبه عنكم شويه لكن انا شايفه ان الناس اللى بتشوف التلى او بتسمع سونجز هى بتعمل كدا علشان تشارك احساسها تشارك كلمات المغنى لان الميوزك تنميه للمشاعر و ساعات بيبقى ادمان مع ناس تانيه

لكن مع التلى فدا مش طبيعى ابدا ومعظم المناظر اللى بتيجى غلط جدا و بتادى لاخطاء كبيره بعد كدا لكن بردو فى موزيز مع ان ممكن يكون فيها مشهدين وحشين وبنقلب ساعتها لكن بتكون قيمه جدا و فيها معانى كتير بنطلع منها بحاجه على الاقل و خصوصا لو كل الموفيز اللى بنشوفها بتحكى عن قصه حقيقيه

و ساعات ناس بتشوف موزيز كوميدى بحثا عن الابتسامه او الضحكه اللى اختفت من الوجوه و علشان تحس انها خلصت من شويه حزن جواها

يبقى ما فهمتيش القصد

المقصود ان الحاجات الهادفة مفيهاش مشكلة
المشكلة ف الناس التافهة

انا قصدت فى كلامى كل حاجه سواء افلام هادفه او لأ و اتكلمت عن الاغانى بردو بس دا فى بدايه كلامى

اوكيشن

اولا انا مبسوطه جدا فى السايت ده لانى حاسه كانى بتكلم مع ناس اعرفهم من زمان وبشكركم على المناقشه الجميله والردوده الحلوه دى
ثانيا مبسوطه لان موضوعى اثار انتباهكم

اولا......

احنا اللى بيدخل وسطنا هنا ف السايت بنعتبره اخ لينا ...ولازم يدخل وسطنا بسرعه

صحيح السايت الايام دى نايم شوية لانى كنت قافلة سنة كاملة ولسه فاتحه

بس همتكووو معانا نرجعه احسن م الاول ميييييييييييت مره

عاوزين اعضاء يشتغلو علشان نرجع المسابقات والجوااااايز

منوووووووووووووووووووووووووووووووووووووووووووووووووووووووووووووووورة

ان شاء الله